Kryetari i Lëvizjes “Vetëvendosje”, Albin Kurti ka konfirmuar ditën kur do të mbahet protesta e thirrur nga partia e tij për të kundërshtuar idenë e presidentit, Hashim Thaçi, rreth korrigjimit të kufijve me Serbinë.
“Një popull nuk i nënshtrohet një njeriu. Ruajtja e integritetit territorial janë jo vetëm e drejtë por detyra jonë si politikan. Duan të na rrudhin territorin e Pavarësisë. Pazaret e Thaçit me Vuçiç s’i paguajmë ne sepse një popull nuk i nënshtrohet një njeriu. Më 7 dhjetor miratuam në Kuvend, parimin e reciprokitetit me Serbinë. Ishte Thaçi që e kundërshtoi me një kundër rezolutë. Ne e respektojmë këtë parim dhe e pranojmë referundimin e 1992. Mos shihni vetëm tekstin por edhe kontekstin. I ka mashtruar kosovarët për vite me radhë. Duhet të jemi vigjilentë. Ky s’do më takim me Merkel por me Putin. Po e zëvendëson Gjermaninë me Rusinë. Prandaj themi se një popull s’i nënshtrohet një njeriu. Prandaj qytetarët të dalin në protesta duke filluar nga 29 shtatori”, deklaroi Kurti
a.ç
