Mediat amerikane citojnë një deklaratë të Ministrit të Mbrojtjes së Serbisë, Vulin, i cili ka mbrojtur një kriminel serb për rolin e tij gjatë luftës në Kosovë, duke thënë se Serbia nuk duhet të turpërohet më për krimet e kryera kundër shqiptarëve.
Ministri serb i Mbrojtjes, Aleksandar Vulin thotë se vendi i tij nuk duhet të turpërohet më për krimet që ka kryer në Kosovë.
Ai ka lavdëruar gjeneralin Vladimir Lazarevic, i cili u dënua me 14 vjet burg për krime lufte në Kosovë.Një deklaratë e tillë nuk u ka shpëtuar mediave amerikane që kanë cituar Vulinin.
“Koha e turpit ka kaluar. Është koha e krenarisë”, tha Vulin në Nish.Lavarevic, komandant i trupave serbe gjatë luftës në Kosovë i cili ishte përgjegjës për më shumë se 10.000 të vrarë dhe mijëra të tjerë të zhvendosur, u lirua nga burgu pasi kreu 2/3 e dënimit të tij.
Vulin tha se Lazarevic dhe ushtarët e tjerë serbë në Kosovë ‘kanë arsye të shihen si më të mirët prej më të mirëve dhe më trimat prej më trimave”, përgatiti Express. (b.an)
