Ministri i Mbrojtjes në Serbi, Aleksandër Vulin, ka thënë se Ushtria e Kosovës përbën një rrezik për sigurinë në rajon, dhe i ka bërë thirrje komunitetit ndërkombëtar që të reagojë.
“Ne i bëjmë thirrje komunitetit ndërkombëtar që të sigurojnë respektimin e Rezolutës 1244 dhe të mos lejojnë formimin e Forcave të Armatosura, të cilat do t’i rrezikonin sigurinë dhe stabilitetin e Kosovës, mirëpo edhe të regjionit”, ka thënë ai.
Ai tutje, thotë se qëllimi i vetëm i formimit të ushtrisë është konflikti me Serbinë, dhe siç është shprehur ai, “ne nuk do të lejojmë krijimin e formacioneve që Haradinaj e Veseli të arrijnë deri në Nish”.
Qeveria e Kosovës në një mbledhje urgjente miratoi tre projektligje që i hapin rrugë shndërrimit të Forcës së Sigurisë së Kosovës (FSK) në ushtri të Kosovës, përgatiti Express. (b.an)
