Presidenti serb Aleksandar Vuçiq ka thirrur për nesër mbledhjen e Këshillit për Sigurinë Kombëtare, ku pritet që temë të jetë edhe çështja e Kosovës.
Burime të Tanjugut kanë mësuar se Vuçiq ka caktuar takimin e këshillit për të martën, dhe sipas këtyre informatave jozyrtare njëra nga temat do të jetë edhe Kosova.
Javën e kaluar Vuçiq ka biseduar për Kosovën edhe në sekretarin e përgjithshëm të OKB-së, Antonio Guterres, dhe po ashtu ka zhvilluar një takim në Bruksel me homologun e tij kosovar, Hashim Thaçi.
Kujtojmë se mëngjesin e sotëm Forca të Njësisë Speciale të Policisë së Kosovës, ROSU, janë nisur drejt veriut të Kosovës me qëllim të ndalojnë hyrën e zyrtarëve serbe, Marko Gjuriq dhe Nikolla Selakoviq. Autoritetet e Kosovës ua refuzuan atyre kërkesën për të hyrë në territorin e vendit, përgatiti Koha. (b.an)
