Mediat e huaja raportojnë sot se aktorja e famshme Lisa Lynn Masters është gjetur e vetëvrarë. Aktorja amerikane me disa role të rëndësishme në serialet e suksesshme “Gossip Girl” apo “Ugly Betty” (E shëmtuara Beti) etj, është gjetur e pajetë në dhomën e një hoteli në Peru.
52-vjeçarja ndodhej atje për shërbim fotografik të “alta moda”-s. Lajmi u raportua fillimisht nga “Deadline”. Duket se artistja është vetëvarur pasi vuante nga depresioni. Bashkëshorti i saj është ende nën shok, ndërsa policia konfirmon se ka gjetur dy letra.
Pas vdekjes së saj është hapur menjëherë një faqe bamirësie në internet për të mbledhur fonde që të paguhet ceremonia mortore e për të ndihmuar bashkëshortin e mbetur të ve. Bashkëshorti i saj William Brooks i tmerruar ka kërkuar që menjëherë të bëhet kthimi i trupit të saj në Amerikë./noa/a.k
