Virologu rus Andrei Botykov, i cili kishte kontribuar në zhvillimin e vaksinës Sputnik-V kundër koronavirusit, u gjet i mbytur me një rrip në banesën e tij.
Trupi u gjet dje të enjten brenda banesës së shkencëtarit, në veriperëndim të Moskës, raporton Daily Mail.
Botikoff ishte një studiues i lartë në Qendrën Kombëtare të Kërkimeve për Epidemiologjinë dhe Mikrobiologjinë dhe kishte punuar gjithashtu në Institutin Shtetëror të Virologjisë.
Ai ishte shpërblyer me një medalje për kontributin e tij në krijimin e vaksinës Sputnik V. Ndërkohë i dyshuar për vrasjen e tij është arrestuar një 29-vjeçar, Alexei Zmanovsky.
Sipas medias britanike, dyshohet se mes tyre ka pasur një sherr për çështje parash. I riu ka pranuar krimin gjatë marrjes në pyetje, ndërsa mediat ruse raportojnë se ai ishte dënuar më parë me 10 vjet burg me akuzën e ofrimit të shërbimeve seksuale.
/s.f
