Një grua humbi jetën në Kroaci dhe 6 të tjerë u plagosën pasi një person i armatosur hapi zjarr në mes të rrugës, duke qëlluar këdo që shihte përpara.
Ngjarja u regjistrua në qytetin e Sisak, rreth 60 kilometra në juglindje të kryeqytetit Zagreb.
Autori, i cili dyshohet se iu ka vënë zjarrin dhe dy banesave dhe makinave, u arrestua nga forcat e policisë disa orë pas krimit të rëndë. Motivet e aktit të tij janë ende të paqarta.
Sipas të dhënave, ngjarja u regjistrua rreth orës 21:30, teksa autori ka qëlluar me breshëri automatiku kallashnikov.
Fqinjët deklarojnë se autori ka pasur probleme mendore dhe i akuzonte shpesh herë komshinjtë se e kanë helmuar. Ai jetonte vetëm dhe raportohet se ishte në gjendje të mirë financiare.
/f.stafa
