Vritet në Siri gjatë bombardimeve ajrore amerikane organizatori i sulmeve terroriste në Evropë, i cili ëhstë ndër liderët kryesor të Al-Kaedës.
Ushtria e Shteteve të Bashkuara konfirmon se nëpërmjet një sulmi ajror më 17 janar në Idlib të Sirisë, ka vrarë një lider të al-Kaedës.
Mbrëmë, Pentagoni këtë lider e ka identifikuar si shtetas të Tunizisë, me emrin Mohammad Habib Boussadoun al-Tunisi, që ishte “lider i operacioneve të jashtme”.
Siç njofton Rel, Pentagoni tha se ai ishte “i lidhur me komplote terroriste për sulme kundër objektivave perëndimore”.
Ky person kishte arritur në Siri në vitin 2014, pasi i kishte kaluar disa vjet në Evropë dhe në Lindje të Mesme, ku ai kishte lidhje të shumta me ekstremistët, shkruan në faqen në Internet të Pentagonit.
Departamenti amerikan i mbrojtjes thekson se vdekja e tij “do ta degradojë qendrën e lehtësuesve dhe luftëtarëve me përvojë në operacionet e jashtme të al-Kaidës”./a.m.
