Një pronar i një picerie në zonën e Portit të Durrësit është vrarë me thikë mbrëmjen e së martës.
Policia ka arrestuar 3 personat që vranë shtetasin Agim Arapi, rreth 60 vjeç. Bëhet fjalë për dy vëllezër, Kostandin Ekonomi dhe Kujtim Ekonomi, si dhe dhëndrri i Kostandinit, Jurgen Kurti.
Dyshohet se Agim Arapi është konfliktuar për motive pronësie me personat që e sulmuan.
Mësohet se autorët kanë qenë banorë të të njëjtit pallat ku ndodhet piceria.
Ndërkohë që emri i Jurgen Kurtit nuk është i panjohur për drejtësinë shqiptare. Ai u arrestua si i akuzuar per vrasjen e babait të tij, Artur Kurti, natën e 4 prillit të këtij viti, por u la i lirë pas disa ditësh nga gjykata, sepse fajin e mori përsipër daja i tij, Leonard Ristani.
(Ne foto: Jurgen Kurti)
NJOFTIMI I POLICISE
Durrës, më 11.04.2017.
Informacion paraprak.
Më datë 11.04.2017, ora 19:55 në lagjen Nr.1 Durrës, Bulevardi “Epidam” ,në një dyqan ushqimor, si pasojë e një konflikti pronësie është plagosur shtetasi Agim Arapi 58 vjeç, banues në Durrës.
Për pasojë, I dëmtuari ka ndërruar jetë në Spitalin Rajonal Durrës.
Me të marrë njoftim menjëherë në vendngjarje kanë shkuar Efektivet e Policisë, të cilët pak minuta pas ngjarjes kanë bërë të mundur identifikimin dhe kapjen e autorëve të dyshuar, konkretisht shtetasit Kostandin Ekonomi , Kujtim Ekonomi dhe Jurgen Kurti.
Kostandin dhe Kujtim Ekonomi janë vëllezër, ndërsa shtetasi Jurgen Kurti është dhëndri iKostandin Ekonomi.
Palët në konflikt janë goditur me njëri- tjetrin me sende të forta.
Vijon puna për kryerjen e veprimeve të mëtejshme procedurale.
c.a
