Bashke me viktimën e ISIS-it nga Prizreni ka qene dhe nje djale prishtinas. 25 vjeçari nga Prishtina Ardian Hyseni është kosovari i dytë i cili është vrarë së bashku me prizrenasin Hamdi Krusha në betejën e fundit mes militantëve të ISIS dhe forcave ushtarake siriane në periferi të Aleppos.
Në ato luftime kanë mbetur të vdekur 28 militantë të ISIS-it, mes të cilëve edhe 5 drejtues të brigadës së lidhur me Al-Qaedan, referon Zeri.
Ndërkohë “Zëri” ka mësuar se përveç prizrenasit, Krusha i vrarë ka mbetur edhe kosovari tjetër Ardian Hyseni, 25 vjeç nga Prishtina. Këta janë dy shqiptarët, pas raportimit për vrasjen e Almir Dacit.
Të dhënat flasin për mbi 70 luftëtarë të tjerë nga Kosova të rreshtuar përkrah organizatave terroriste ISIS e Al-Nusra.
