Nga Zyra Qëndrore Interpol Tirana u krye ekstradimi nga Athina/Greqi drejt vendit tonë i shtetasit shqiptar:
– Fiqiret XHENJA, 51 vjeç, lindur në Shkodër.
Gjykata e Rrethit Gjyqësor Shkodër me vendimin e datës 28.12.2007, e ka dënuar këtë shtetas me 17 vjet burgim , për kryerjen e veprës penale “Vrasje me dashje dhe armëmbajtje pa leje”, parashikuar nga nenet 76 dhe 278/2 i Kodit Penal të Republikës së Shqipërisë.
Përmbledhje e ngjarjes së ndodhur:
Më datë 12.11.2001, në Belgjikë, shtetasi Fiqiret Xhenja ka vrarë me armë zjarri shtetasin A.B, alias A.K.
Të dy personat janë konfliktuar për një prostitutë e cila jetonte me viktimën.
Si rezultat i bashkëpunimit të Interpol Tirana me Interpol Athinën, u bë i mundur arrestimi i tij në Greqi me qëllim ekstradimi drejt vendit tonë.
