Ermal Binjaku, autori i vrasjes së Denis Kasës dhe plagosjes së dy të tjerëve është vënë në pranga nga autoritetet në Kakavijë.
Bëhet fjalë për një atentat të ndodhur më 8 Janar të 2016 -ës, në Mbrostar të Fierit, ku si pasojë e një historie të gjatë hakmarrjeje mes fiseve Kastrati e Binjaku, viktimë mbeti edhe Denis Kasa.
Burime zyrtare thonë se 28 – vjeçari Binjaku, u paraqit rreth orës 00:47 në kalimin kufitar të Kakavijës, në hyrje të Republikës së Shqipërisë.
Ai deklaroi gjeneralitete të tjera, (F.B), por pas intervistimit dhe verifikimeve të bëra nga punonjësit e policisë në sitemin ‘’TIMS’’ u zbulua se Binjaku ishte person në kërkim.
Ndaj tij, kishte urdhër ndalimin nga Prokuroria e Fierit për vrasje në rrethana të tjera cilësuese.
a.ç
