Një ditë pas krimit të rëndë në Tiranë, ku u vra Mehmet Qema, sot është vetëdorëzuar në polici autori i dyshuar, Marjus Dema dhe një nga personat prezent në ngjarje, Frenkli Myftari.
Pas dorëzimit të autorit dhe Frenkli Myftarit, policia është ende në kërkim të Erlind Peka, Bralid Aga, Blerim Hoti dhe Xhuljano Koçi.
Dema mësohet se është edhe shok me viktimën.
Ngjarja ka ndodhur mbrëmjen e djeshme, në një tavolinë lokali, ku viktima ishte i ulur me disa shokë.
Të gjithë këta persona janë shokë me njëri-tjetrin dhe mbrëmë ishin duke qëndruar në një lokal në zonën e rrugës “5 Maj”. E gjithë ngjarja e rëndë dyshohet të ketë ndodhur për shkaqe aksidentale, pasi nuk ka pasur konflikt mes tyre.
g.kosovari
