Xhelozia dhe një sherr se kush do të menaxhonte kursimet dhe paratë pas një ndarjeje që po diskutohej janë dy nga pistat në të cilat po heton policia italiane pas krimit në familjen shqiptare në Itali, ku burri vrau me 15 goditje thike gruan e tij, Dianën.
Mediat italiane shkruajnë se duket se çifti ishte në debat për t’i dhënë fund martesës nga e cila kanë tre fëmijë, dy djem dhe një vajzë. Ky duket të ishte shkaku i sherrit që degjeneroi në banesë dhe Muhamed Vapri, 62-vjec vrau Diana Vapri Koni. Ai ka dëshmuar deri në mbrëmje vonë rreth krimit, pasi e kishte pranuar se ishte ai autori.
Policia ka thënë se gruaja kishte vendosur ta linte, ndërkohë që kishte debat mes tyre për paratë dhe debate xhelozie. Prej disa kohësh, sipas burimeve nga të afërm të viktimës, gruaja e qortonte se burri i saj shpenzonte shumë kohë në chat me një mikeshë të vjetër që jetonte në SHBA.
Tre ditë para krimit, Diana kishte lënë banesën e përbashkët dhe ishte transferuar te motra. Burri tregohet se ishte shumë autoritar, por nuk ka pasur asnjë denoncimin nga ana e viktimës për të.
ma.me
