Është zbardhur dëshmia e 25-vjeçarit, Marjan Kodheli që vrau të atin me thikë në Shkallnur të Durrësit diten e djeshme. Sipas të riut, ai ishte duke ngrënë bukë, por pretendon se babai, Pjetër Kodheli nuk po e linte rehat.
I riu thotë se nuk e mban mend pse ndodhi krimi, por thekson se që kur është kthyer nga emigracioni ka pasur debate me të atin.
“Ishim duke ngrenë buke dhe babai mu turr. Nuk me linte te haja buke i qete. Po nuk e mbaj mend pse ndodhi por kemi patur grindje te vazhdueshme qe kur jam kthyer nga Greqia para 6 muajsh.
Kam jetuar ne France jam me pasaporte franceze. Atje kam ndenjur rreth 6 vjet dhe me pas kam shkuar ne Greqi kam punuar 6 muaj. Nga Greqia kam ardhur ne shtëpi dhe isha i papune. Kemi patur debate me babanë. Sherri ndodhi teksa hanim dreke. Nuk e di si ndodhi mora thiken e qëllova”, ka treguar djali.
Po ashtu, sipas burime nga grupi hetimor, familjarët kanë dëshmuar se 25 vjeçari kishte shkuar në spital dy vite më parë për t’u vizituar.
Mjekja i kishte rekomanduar që të bënte një vizitë me mjekë psikiatër për të parë gjendjen e tij mendore, por nuk ka pranuar as ai dhe as familja e tij. Babai i tij ka thënë ne spital se nuk ka probleme te shëndetit mendor dhe nuk ka nevoje për kurim.
