(E përditësuar) -I plagosur ka mbetur drejtuesi i mjetit Elvis Gaçaj, ndërsa viktima janë Aurora Oskyan dhe Kevin Rugova. Identitetet e viktimave janë bërë publike zyrtarisht nga policia. Motivet e ngjarjes së rëndë nuk dihen ende, por policia konfirmon se i plagosuri Elvis Gaçaj u është kundërpërgjigjur me pistoletë vrasësve.
***
Burime për Java News bëjnë me dije se katër persona kanë qenë brenda në BMW, ndërsa atyre u është zënë pritë nga dy të tjerë. Dëshmitarët kanë parë dy vrasësit të kenë qenë në këmbë të cilët kanë qëlluar me breshëri në drejtim të automjetit me targa AA 675 JS.
Makina në fjalë mësohet të jetë në pronësi të një femre me inicialet A.GJ. Një prej të vdekurve mësohet se quhet Kevin Rugova, ndërsa vrasësit mendohet t’i ketë pritur më pas një automjet dhe t’i ketë marrë.
***
Një breshëri e gjatë automatiku dhe disa të shtëna teke në fund kanë tronditur mbrëmjen e sotme kryeqytetin.
Ngjarja mësohet të ketë ndodhur përballë ish-ekspozitës ndërsa makina të shumta policie dhe ambulance janë drejtuar në vendngjarje.
Informacionet e para flasin për vrasjen e dy personave, një burrë dhe një grua rreth 30 vjeç.
Krimi ka ndodhur tek sheshi ‘1 Maji’ përballë ish-ekspozitës ‘Shqipëria Sot’. Viktimat kanë qenë në lëvizje me një automjet tip BMW me targa AA 675 JS, ndërkohë që trupat e tyre ndodhen ende në automjet.
Nga breshëritë e kallashnikovit ka mbetur i plagosur rëndë drejtuesi i automjetit.
Vijon…
