Të tjera detaje janë zbuluar nga vrasja që ka ndodhur mbrëmjen e sotme në Kamëz. Policia ka dhënë njoftimin zyrtar ku bëhet e ditur se është ekzekutuar 35-vjeçari me iniciale C.K. banues në Bathore.
Ngjarja ka ndodhur në rrugën “Nikoll Vatnikaj” në zonën e Kodër Kamzës rreth orës 19:56.
Njoftimi i policisë:
Më datë 23.12.2021, rreth orës 19:56, në Kodër Kamëz, në rrugën “Nikoll Vatnikaj”, në rrethana ende të paqarta dyshohet se është vrarë me armë zjarri brenda në një automjet me targa të huaja, shtetasi C. K., rreth 35 vjeç, banues në lagjen Nr.1 Bathore.
Shërbimet e Policisë kanë shkuar menjëherë në vendngjarje së bashku me grupin hetimor. Është rrethuar zona dhe vijon krehja e saj për të bërë të mundur kapjen e autorit/ëve.
Grupi hetimor nën drejtimin e Prokurorisë vijon punën për zbardhjen e rrethaneve të ngjarjes, sekuestrimin e çdo prove të mundshme materiale që shërben për identifikimin e autorëve.
/b.h
