Gjykata e Apelit Tiranë lë të pandryshuar vendimin që liroi nga burgu Ervis Martinajn.
Prokurori i Apelit, Dritan Peka, ka kërkuar ndryshimin e masës “garanci pasurore”, me masën e sigurisë “Arrest në burg”, por treshja gjykuese e përbërë nga Flutura Skënderi relatore dhe Gramoz Levanaj e Artur Gaxha, e ka vlerësuar të drejtë masën e caktuar nga Gjykata e Shkallës së Parë.
Treshja e Apelit refuzoi pretendimin e prokurorisë për masën “arrest në burg” për të arrestuarin në lidhje me ngjarjen e 4 nëntorit 2018 në ish-Bllok, ku u vra një person e u plagosën dy të tjerë.
Shkalla e Parë e Tiranës liroi Martinajn nga paraburgimi ne 3 maj 2019, duke zëvendësuar masën “arrest në burg” në atë të “garancisë pasurore” prej 5 milionë lekë.
Martinaj u arrestua pas masakrës në ish Bllok, ku pas një përplasje me armë, mbeti i vrarë një person dhe u plagosën dy të tjerë, edhe vetë Martinaj.
Përveç hetimeve për akuzën e ” Vrasjes në rrethana të tjera cilësuese” në ngjarjen e ndodhur brenda lokalit “Monopol” ndaj Martinajt është hapur hetim dhe për pastrimite produkteve te vepres penale ose veprimtarise kriminale”.
Kush ishte Ervis Martinaj
–36 vjeçari Ervis Martinaj ishte një emër i njohur për policinë. Ai ishte dënuar me 1. 4 vite burg me akuzën e moskallëzimit të krimit mbi vrasje e Enton Nikës dhe plagosjen e Ismet Gaxherrit në vitin 2015.
Ngjarja pati ndodhur në zonën e Linzës në Tiranë dhe vrasja u krye pas një debati për çështje banale.
Ndërkaq Martinaj është përmendur prej prokurorisë dhe në çështjen “Shullazi”, ku është thënë se i ka ofruar shuma parash biznesmenit Ylvi Beqaj për të mos folur.
