Ylber Jaku, autori i vrasjes pasditen e së mërkurës në fshatin Pla në Has, e kishte paralajmëruar krimin.
Në rrjetin social facebook, ai ka postuar foto me mbishkrime ku lajmëron drejtësi në emër të Allahut. Si një njeri që beson në fenë islame, Jaku thotë se kur injorohet drejtësia, ai duhet të bëjë drejtësi.
Dy ditë më parë, motra e viktimës Rushit Sallahu dhunoi babanë dhe nënën e autorit. Dy prindërit e autorit ndodhen në spitalin e Traumës, ku po marrin ndihmë mjekësore.
Sot, 41-vjeçari ka marrë armën dhe ka vrarë 34-vjeçarin në shenjë hakmarrjeje për dhunë ndaj prindërve të tij.
Burime bëjnë me dije se konflikti për motive pronësie mes familjes Jaku dhe Sallahu vijon prej mbi 10 vitesh. Familja Jaku ka bërë mbi 20 kallëzime ndër vite për konfliktin
Kallëzimet janë bere nga babai i autorit i cili u kërkonte institucioneve zgjidhjen e konfliktit.
