Policia ka identifikuar autorin që ka qëlluar mbi taksistin në Prezë, dy ditë më parë.
Sipas news 24 mësohet se Krimet e Rënda së bashku me RENEA-n janë hedhur në aksion për të kapur autorin e dyshuar. Sakaq bëhet e ditur se janë arrestuar edhe disa persona të tjerë në zonën e Rinasit dhe të Niklës.
Abdulla Budlla u qëllua dy ditë më parë. Ndaj tij është qëlluar me breshëri kallashnikovi nga persona fillimisht ende të paidentifikuar.
Viktima është babai i 3 djemve dy prej të cilëve jetojnë në Itali ndërsa tjetri punon taksist pranë Aeroportit të Rinasit.
Mësohet se 71-vjeçari po qëndronte në vendin e zakonshëm pranë taksisë, kur një automjet në lëvizje qëlloi në drejtim të tij me breshëri kallashnikovi.
Trupi i të moshuarit duket që ka përfunduar i hedhur mbi një objekt pranë vendit ku ndodhej, i vendosur me kurriz.
