Policia ka dhënë detaje në lidhje me vrasjen e ndodhur mbrëmjen e sotme në Elbasan ku u ekzekutua 25-vjeçari Madrit Ulqinaku.
Blutë bëjnë me dije se bëhet fjalë për një sherr për motive banale mes disa të rinjve, pas të cilit një 20-vjeçar me iniciale K.H. ka nxjerrë pistoletën duke qëlluar në drejtim të Ulqinakut.
Njoftimi i policisë
Më datë 17.08.2022, rreth orës 21:50, në lagjen “Kongresi”, Elbasan, gjatë një konflikti për motive të dobëta midis disa të rinjve, dyshohet se shtetasi K.SH, rreth 20 vjeç, ka qëlluar me armë zjarri pistoletë dhe për pasojë ka humbur jetën shtetasi M. U., rreth 25 vjeç, banues në Elbasan.
Shërbimet e Policisë kanë shkuar menjëherë në vendngjarje, së bashku me grupin hetimor.
Është rrethuar zona dhe vijon krehja e saj për të bërë të mundur kapjen e autorit.
Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes
/e.d
