Ditën e djeshme efektivët e policisë greke vunë në pranga pronarin e 25 vjeçarit shqiptar që u gjend pa kokë ditën e hënë në Igumenicë, së bashku me të birin e tij 43 vjeçar. Në shtëpinë e tyre u gjet një arsenal armësh dhe lindën dyshime se personat në fjalë mund të ishin të përfshirë në vrasjen makabre të shqiptarit që punonte atje si bari.
Por këtë të mërkurë, 70 vjeçari së bashku me të birin janë lënë të lirë.
Ata do të hetohen në gjendje të lirë, ndërsa të premten është përcaktuar të mbahet seanca e parë gjyqësore.
Nga ana tjetër, Policia greke vazhdon hetimet për zbulimin e vrasjes së Bledar Terpollairt, trupi i të cilit u gjet pa kokë në zonë e Thesprotia-s. javanews. a.k
