Dy persona dyshohet se janë përfshirë në vrasjen e shqiptarit 36 vjeçar ndodhur mbrëmë në në qytezën Sasso Pisano në komunën e Castelnuovo di Val di Cecina, në provincën e Pisa, Itali, ku ka pasur shkëmbim zjarri.
La nazione.it ka publikuar foto të makinës ku mbeti i vdekur shqiptari i cili 8 vite më parë ka qenë autor i një vrasjeje në Shqipëri ku ka kryer dhe disa vite burg. Më pas është zhvendosur në Toskana të Italisë.
Fotot janë me autorësi të Tommaso Gasperini/ Fotocronache Germogli.
Nga fotot duket që ekspertët e kriminalistikës po mbledhin prova të cilat mund të ndihmojnë në zbardhjen e ngjarjes.
Sipas dëshmitarëve viktima është goditur me armë zjarri brenda në makinën e cila drejtohej nga një person tjetër. Më pas makina ka përshkuar disa metra më tutje për të kërkuar ndihmë në një lokal.
Njerëzit janë përpjekur ti japin ndihmën e parë por nuk mund të bëhej asgjë.
Përplasja me armë mendohet se ka ndodhur rreth orës 19:30 minuta në një zonë që nuk ishte e banuar dhe nuk dihet nëse ka pasur dëshmitarë.
Sipas dëshmive të para autorët janë larguar ne bordin e një automjeti me ngjyrë të errët.
Policia italiane ka ngritur postoblloqe e patrulla kontrolli në rë gjithë rajonin e është në kërkim të autorëve.
/a.r
