Prokuroria ka kërkuar burg përjetë për 4 nga 11 të arrestuarit gjatë operacionit “Lazarati 2 “ ku mbeti i vrarë edhe efektivi i forcave speciale RENEA, Ibrahim Basha.
Për vëllezërit Arbjon e Alban Aliko dhe dy të pandehurit e tjerë Elvis Bocia dhe Bajram Boçi, Prokuroria ka kërkuar burg përjetë.
Ndërsa për të pandehurit e tjerë ka kërkuar: 35 vite burg për Elson Kazma, 20 vite burg për Xhulio Malon, nga 18 vite burg për Iljaz Xhaferraj, Dervish Gaba dhe Rubin Hiraj. Kurse për Oltion Prokon dhe Klodian Selimin u kërkua nga 13 vite nga Prokuroria.
Efektivi Ibrahim Basha u vra në një pritë të organizuar mëngjesin e 24 qershorit 2015, në fshatin Lazarat, ku mbetën të plagosur edhe dy kolegë të tjerë. /b.d
