Ngjarja që u parandalua dje nga shërbimet e Komisariatit nr.3 në Tiranë, nisi pas sherrit për një borxh.
Së paku kështu shprehen burimet policore, të cilat saktësojnë se konflikti dyshohet të ketë ndodhur për shkak të një borxhi të pakthyer, por ende nuk janë sqaruar plotësisht rrethanat e ngjarjes.
Dy vëllezër dhe një ish punonjës policie u përfshinë në një konflikt të ashpër fizik, në rrugën “Islam Alla”, vetëm disa metra larg Drejtorisë së Policisë së Tiranës.
Burime zyrtare të Policisë thanë dje se personat e përfshirë në këtë konflikt janë dy vëllezërit Edmond e Gentian Lashi, 34 e 26 vjeç dhe ishpunonjësi i Patrullës së Përgjithshme të Policisë së kryeqytetit, 23vjeçari Santiago Malko.
Të dyja palët, edhe vëllezërit, edhe ish polici, kanë në pronësi lokale bastesh sportive në të njëjtën zonë, por sipas Policisë konflikti ka ndodhur në lokalin e Edmond Lashit.
Mësohet se dy vëllezërit i kanë pasur borxh një shumë prej 1 mijë eurosh Santiago Malkos.
Burimet thanë se dyshohet që borxhi mund të ketë lidhje me biznesin e njëjtë që kishin të dyja palët, pasi administronin lokale bastesh sportive në rrugën “Islam Alla”.