Në seancën e sotme gjyqësore është shqiptuar edhe dënimi i parë për rastin e Lirdona Ademajt.
Tomë Dodaj pranoi fajësinë dhe u dënua me 5 vjet burg e 5 mijë euro gjobë pasi pranoi se ia ka shitur Naim Murselit armën me 20 fishekë për 280 Euro.
Ndërsa Naim Murseli që akuzohet se kishte premtuar 30.000 euro kompensim për vrasjen e bashkëshortes së tij, nuk e ndjen veten fajtor për vrasjen e Liridona Ademajt.
Ai është deklaruar i pafajshëm në pyetjen për pranim të fajësisë ose jo.
Madje në akt-akuzë thuhet se Naim Murseli e kishte mbajtur me njërën dorë Liridonën që ajo të mos shmangte plumbin.
Granit Plava është mbrojtur në heshtje, ndërsa Kushtrim Kokalla ka thënë se nuk do të deklarohet pa u konsultuar me avokatin e tij. Gjatë shqyrtimit fillestar më 31 Janar, Prokuroria ka lexuar akt-akuzën që rëndon ndaj katër të akuzuarve.
Sipas akt-akuzës, Naim Murseli ka deklaruar se motivi i vrasjes ishte presioni i lartë nga bashkëshortja dhe xhelozia e saj. Granit Plava ka deklaruar se atij i është thënë se duhet të vrasë një biznesmene serbe.
Kushtrim Kokalla ka thënë se Murseli e ka lutur për një vit që ta vrasë Liridonën.
