Gjykata Kushtetuese ka hedhur poshtë kërkesën e Arben Frrokut për rigjykimin e çështjes për vrasjen e kryekomisarit Dritan Lamaj, ngjarje për të cilën ai u dënua me burgim të përjetshëm nga Apeli i Krimeve të Rënda.
Në kërkesën e depozituar nga avokatët e Frrokut, kërkohej shpallja e vendimit antikushtetues dhe kërkohej rigjykim.
Pas shqyrtimit të ankesës trupa e Kushtetueses la në fuqi vendimin e dhënë nga Gjykata e Apelit të Krimeve të Rënda, duke e vlerësuar vendimin plotësisht në përputhje me kushtetutën dhe ligjet e vendit.
Frroku filimisht u shpall i pafajshëm nga Gjykata e Krimeve të Rënda. Pas lirimit ai u largua jashtë vendit, dhe teksa ai nuk ndodhej në Shqipëri, Apeli ndryshoi vendimin dhe e shpalli fajtor duke e dënuar me burg përjetë. Para 1 viti ai u ndalua në Holandë nga autoritetet por ende nuk dihet nëse ai do ekstradohet./a.m.
Vrasja e kryekomisarit, Kushtetuesja lë në fuqi vendimin, burg përjetë për Frrokun
