Një javë nga vrasja e kryepolicit Artan Cuku policia dhe Prokuroria e Krimeve të Rënda ngushtojnë rrethin e personave të dyshuar për ngjarjen, ndërsa aktualisht të shoqëruar për këtë hetim janë vetëm 4 shtetas të ndaluar 2 ditë më parë.
Sipas burimeve nga ky grup numri i madh i telefonatave pas shpërblimit të vënë dhe videos së publikuar ka ndihmuar hetuesit të ndërtojnë një identikit më të qartë të autorit.
Hetuesit kanë përjashtuar deri në këto momente pistën e një vrasësi të ardhur nga jashtë shtetit pasi sipas dëshmive dhe pamjeve filmike personi që shihni në pamje e ka ndjekur në mënyrë të vazhdueshme Artan Cuku 3 javë para se ta ekzekutonte.
Në grupin e hetuesve të policisë dhe krimeve të rënda janë bërë pjesë dhe ish drejtuesit e policisë së shtetit të zëvëndësuar në vitin 2013, kjo sqaruan burimet për faktin se ata njohin të shkuarën e kolegut të tyre dhe janë personat që mbanin kontakt me të ndjerin.
Në sitën e hetuesve pista për të cilën janë mbledhur më shumë të dhëna është ajo e një vrasje për shkak të karrierës së tij në polici kjo e lidhur dhe me ngjarjen e 2005 kur në zyrën e ish shefit të kom.4 asokohe Artan Cuku humbi jetën Agim Daka.
Hetuesit kanë mbaruar ekzaminimin e telefonave të viktimës por në to sqaruan burimet nuk ka asnjë provë të vlefshme për të shkuar tek autori, qoftë mesazhe kërcënuese, kompromentuese apo telefonata të dyshimta.
Policia e Tiranës vazhdon të kërkoj ndihmën e qytetarëve me anë të vidios së publikuar ndërsa disa nga telefonuesit janë nënshtruar dhe procesit të njohjes së autorit me anë të fotos por deri më tani nuk është mundur që nga të shoqëruarit të identifikohet personi në video.
Dhe pse nuk ka bërë një njoftim zyrtar grupi hetimorë ka vendosur të rrisë në 10 milion nga 3 që ishte më parë shpërblimin për publikun në lidhje me identifikimin e autorit të krimit.
Artan Cuku u ekzekutua me 5 plumba në trup mbrëmjen e 8 prillit pak minuta pasi ai ishte future në pallatin ku banonte pranë rrugës së kosovarëve në tiranë.
Në këtë krim janë përdorur dy pistoleta por asnjëra prej tyre nuk është gjetur nga kontrollet e ushtruara./Shqiptarja/a.m.
