Një princ saudit në moshë ka hedhur dyshime mbi publikimin e raportit të CIA-s, sipas të cilës Princi i Kurorës Saudite Mohammed bin Salman urdhëroi vrasjen e gazetarit Jamal Khashoggi në Stamboll muajin e kaluar, duke thënë se agjencia nuk mund të merrej për bazë për të arritur një përfundim të besueshëm. “CIA nuk është domosdoshmërish standardi më i lartë i vërtetësisë apo saktësisë në vlerësimin e situatave. Shembujt e kësaj janë të shumta”, tha Princi Turki al Faisal, anëtar i lartë i familjes mbretërore.
Princi, një ish-shefi i shërbimit sekret të Arabisë Saudite i cili gjithashtu ka shërbyer si ambasador në Shtetet e Bashkuara, tha se përfundimi i agjencisë që Iraku zotëronte armë kimike përpara pushtimit të SHBA’ve në vitin 2003, tregon se agjencia është jo e besueshme.
“Ky ishte vlerësimi më i pasaktë dhe i gabuar, i cili çoi në një luftë të plotë me mijëra të vrarë,” tha ai.”Nuk e kuptoj pse CIA nuk është në gjyq në Shtetet e Bashkuara. Kjo është përgjigjja ime për vlerësimin e tyre se kush është fajtor dhe kush nuk është dhe kush e shkaktoi atë që ndodhi në konsullatën në Stamboll.CIA ka arritur në përfundimin se princi Mohammed urdhëroi operacionin për të vrarë Khashoggi, siç u raportua fillimisht nga Ëashingtoni Post, dhe informoi pjesë të tjera të qeverisë së SHBA mbi gjetjet e saj, thanë burimet e Reuters javën e kaluar.
Presidenti i SHBA, Donald Trump ka kundërshtuar që agjencia arriti në një përfundim mbi vrasjen.Një gazetë turke gjithashtu raportoi të enjten se drejtori i CIA-s Gina Haspel sinjalizoi zyrtarët turq se agjencia kishte një regjistrim të një thirrjeje në të cilën princi i kurorës dha udhëzime për t’i “mbyllur gojën” gazetarit, përgatiti Koha. (b.an)
