Zbardhet e kaluara e autorit të dyshuar të vrasjes së Devi Kasmit, shtetasit grek Eftimiu Eftimius.
Mësohet se Eftimiu Eftimius, i akuzuar për vrasjen e Devi Kasmit në Tiranë ka shërbyer si roje në Ambasadën shqiptare në Athinë,
Ish- efektivi i forcave speciale grek mësohet se në 2009 ishte përfshirë në trafik kokaine nga Kolumbia në aeroportin e Frankfurtit.
Eftimius po ashtu ishte pjestar i një rrjeti kriminal që trafikonte kanabis nga Shqipëria në Greqi. Rasti u zbulua në maj të vitit 2016 në Artë, vendbanimin e tij.
Burime të Policisë së Tiranës konfirmojnë akuzat për 43-vjeçarin, të ardhura nga oficerët grekë të Antidrogës, shkruan oranews
Operacioni i koduar “Themis” u ndoq edhe nga DEA amerikane, por Eftimiu tha në gjykatën greke se kokainën e kishte për përdorim personal.
Me tej Eftimiu mbajti lidhje me grupet kriminale shqiptare.
U akuzua për trafik droge nga aeroportet “Elefteros” “Venizelos”.
Ndërkohë për burime nga grupi hetimor në Policinë e Tiranës bëjnë me dije se vrasja e Devi Kasmit dyshohet të ketë ardhur për hakmarrje.
Pak ditë pas arrestimit të shtetasit grek Efthymiou Efthymious , i akuzuar për vrasjen e Devi Kasmit në Tiranë, “BalkanWeb” zbardh dokumentin e Prokurorisë mbi sekuestrimin e provave materiale që i janë gjetur 41-vjecarit.
Sipas procesverbalit të Prokurorisë, shtetasit grek janë gjetur 16 kartmonedha me prerje 2000 lekshe, 3 kartmonedha të prerjes 1000 mijë lekshe, 3 kartmonedha të prerjes 500 lekshe, si dhe 20 kartmonedha të prerjes 100 euro.
Gjithashtu shtetasit grek i janë sekuestruar në cilësinë e provës materiale një pasaportë greke, një mbajtëse fotoje me kapak, një patentë në gjuhën greke, një kartë debiti, një dokument në gjuhën greke si dhe një telefon.
a.ç
