Seanca gjyqësore për vlerësimin e masës së sigurisë në apel ndaj 4 personave të akuzuar për vrasjen e Devi Kasmit u shty për në 22 shkurt.
Në një prononcim për mediat, avokati i shtetasit grek, Eftimiu Efthimius, i cili dyshohet si autor i vrasjes së Kasmit u shpreh se në dosje nuk ka asnjë provë.
Sakis Kehajoglou tha se shpreson që procesi të zhvillohet mbi prova dhe fakte dhe jo mbi spekulime.
Efthimius dhe tre të arrestuarit e tjerë Elton Halipaj, Malvin Dinellari dhe Elton Hoxhallari të akuzuar si organizatorë të krimit, si pjesë të grupit kriminal në ekzekutimin e Devi Kasmit kanë apeluar masën e sigurisë ‘arrest me burg’./a.m.
