Vrasja e gjyqtares, reagon Unioni: Dënojmë me ashpërsinë më të madhe krimin

Në një deklaratë për mediat Unioni kërkon zbardhje sa më shpejt të ngjarjes.

Më tej thuhet se sot është dita kur gjithë strukturat ligjzbatuese të bashkëpunojnë e të drejtojnë gjithë fuqinë e tyre për zbardhjen sa më shpejte të ngjarjes e me pas analizimin e drejte, objektiv e të paanshëm të këtij rasti, pjese e një fenomeni të shëmtuar e pa asnjë lidhje me vlerat e popullit tonë.

Reagimi i Unionit të Gjyqtarëve

Me hidherim te thelle mesuam ndarjen nga jeta ne menyre makabre te koleges tone, nenes se dy femijeve, gjyqtares Fildes Hafizi.

Ne emer te te gjithe kolegeve gjyqtare duam t’Ju shprehim ngushellimet me te sinqerta femijeve e te afermve te saj! Lutemi se bashku qe Zoti T’Ju jape force per tu perballur me kete fatkeqesi te tmerrshme!

Denojme me ashpersine me te madhe krimin e kryer dhe kerkojme procedimin sa me te shpejte te autorit! Sot eshte dita kur gjithe strukturat ligjzbatuese te bashkepunojne e te drejtojne gjithe fuqine e tyre per zbardhjen sa me shpejte te ngjarjes e me pas analizimin e drejte, objektiv e te paanshem te ketij rasti, pjese e nje fenomeni te shemtuar e pa asnje lidhje me vlerat e popullit tone.

Dhuna ne familje po kthehet ne nje fenomen mjaft te rrezikshem per shoqerine tone, duke mos kursyer askend : prinder, vellezer, motra, femije e vecanerisht gra, pavaresisht statusit te tyre social, detyres qe kryejne apo moshes.

Frenimi dhe zhdukja e ketij fenomeni shoqerisht te rrezikshem e moralisht te papranueshem kerkon nje ndergjegjesim e angazhim maksimal te te gjithe shoqerise dhe Shtetit, per te identifikuar e zhdukur fillimisht shkaqet e lindjes se kesaj dhune, per te identifikuar e gjetur pergjegjesite e me ne fund zgjidhjet e drejta.

Le te lutemi se bashku sot qe Zoti ta pranoje prane Tij, nenen, motren, vajzen, shoqen dhe kolegen tone Fildes Hafizi, duke shpresuar qe ky rast te jete i fundit!