Fati i Radoje Zvicer mbetet mister, ndërsa mediat serbe shkruajnë se nuk përjashtohet mundësia që të bëhet fjalë për një inskenim të vetë liderit të klanit mafion ‘Kavaç’ që operon në Mal të Zi e jo vetëm. Mediat në Panama nuk kanë raportuar për asnjë atentat ku të ketë mbetur i vdekur ndonjë ballkanas, ndërsa avokati i tij u shfaq sot me ‘duart lart’ duke u shprehur se nuk dinte çfarë mund të kishte ndodhur me klientin e tij pasi nuk kishte pasur kontakte me të. Kurir sjell dhe një përmbledhje për Zvicer.
Artikulli:
Misteri i historisë se Radoje Zvicer, lideri i klanit Kavac, për të cilin u tha se u qëllua në Panama është ende i pazbardhur. Avokati i tij Millosh Vuksanoviç deklaroi se nuk e di se çfarë ka ndodhur me klientin e tij pasi ata nuk janë në kontakt. Mbrëmë u përhap lajmi se Radoje Zviter u qëllua me armë zjarri në sy të bashkëpunëtorit në një vilë me qira në Panama dhe u spekulua se kishte vdekur. Mediat malazeze kanë thënë se policia lokale është informuar për krimet e ndodhura në Panama, por se nuk ka konfirmim se viktima e njërit prej tyre ishte Zvicer. Të jetë inskenim?
Ndaj tij janë bërë disa atentate. Ai u qëllua në Sacekusha, Kiev, në maj 2020, ndërsa vraponte për tu future në shtëpinë e tij në kryeqytetin e Ukrainës. Më pas ai u shpëtua nga gruaja e tij Tamara, e cila hapi zjarr ndaj sulmuesve dhe i detyroi ata të iknin.
Kjo tentativë për të vrarë kreun e klanit Kavaç është regjistruar nga njëra prej kamerave të vëzhgimit pranë vendit ku kanë qëlluar sulmuesit. Sulmuesit e maskuar ndaluan me një “Smart” të zi në mes të rrugës, i dolën përpara Zvicer ndërsa ai vraponte i veshur me një maskë për fytyrën dhe doreza.
Zvicer tentoi të largohej, por sulmuesi me të bardha e ndoqi pas dhe vazhdoi të gjuante
Siç raportuan mediat ukrainase në atë kohë, në drejtim të kapobandës u qëllua shtatë herë, pesë prej të cilave e kapën atë në bust. Zvicer përfundoi në gjendje të rëndë në spital, por arriti të mbijetonte.
Siç raportoi në atë kohë portali ukrainas Obozrevatel, sulmuesit e panjohur ishin të moshës 35 deri në 45 vjeç, të cilët pas krimit i vunë flakën mjetit “Smart” dhe për pak sa nuk vdiqën vetë sepse makina shpërtheu në flakë duke i shkaktuar dhe djegie në kokë njërit prej tyre.
Sulmuesit më vonë janë arrestuar dhe sipas policisë lokale, bëhet fjalë për shtetas të Serbisë, Malit të Zi dhe Maqedonisë së Veriut. Gjatë arrestimit, të dyshuarit për sulmin në Zvicer kanë rezistuar dhe kanë tentuar t’i shpëtojnë policisë lokale, por nuk ia kanë dalë dot.
Kush është Radoje Zvicer
Radoje Zvicer, personazhi misterioz, lideri i klanit të Kavaçit mendohet se është personi që ka porositur ekzekutimin e shqiptarit Ergys Dashi në Ekuador. Bashkëpunimi mes dy klaneve, atij “Kavaç” dhe mafias shqiptare në Ekuador ka nisur kohë më parë por tashmë është shkatërruar, për shkak të përplasjes në dominimin e tregut të kokainës. Arsyeja lidhet me një dyshim se grupi shqiptar i drogës spiunoi tek policia, e cila kapi një ngarkesë të madhe droge të klanit Kavaç, duke bërë që të nisë përballja. Policia kapi ngarkesën dhe serbët nisën hakmarrjen. Gjithsesi për vrasjen e Dashit nuk është vënë askush në pranga e tashmë fokusi është kthyer tek lideri i klanit Kavaç.
Kreu i klanit “Kavaç”, Radoje Zviter, konsiderohet si një nga kontrabandistët më të mëdhenj të kokainës në botë. Emri i tij është përmendur për herë të parë në vitin 2017, kur në YouTube u publikua një video 15-minutëshe me informacione të detajuara për “klanin Kavac”, kreun e këtij grupi dhe anëtarët e tij.
Radoje Zvicer ka qenë në qendër të lajmeve në mediat serbe, pasi është shpallur në kërkim si personi që do t’i bënte atentat presidentit serb, Aleksandër Vuçiç.
Çfarë të ketë ndodhur tashmë me të?
Blic shkruante një natë më parë se nga burime të sigurita kishte mësuar se lideri i klanit “Kavac”, Radoje Zvicer, është vrarë në Panama sot pak pas orës 20:00 të mbrëmjes së kaluar. Gruaja e tij, Tamara ka publikuar një video në rrjetin e saj social në Instagram, duke dëgjuar muzikë….e kjo gjë nuk ndodh kur Zvicer ka vdekur…/m.j
