Vetëdorëzohet në polici shtetasi Renato Milloshi, i shpallur në kërkim si bashkëpunëtor për vrasjen e shtetasit Elton Çiça, ngjarje e ndodhur vitin e shkuar në një lokal në Tiranë në zonën pranë stadiumit “Selman Stërmasi”.
Sipas policisë, Milloshi u dorëzua pas negociatave të zhvilluara me të nga ana e forcave të rendit.
Ndëkrohë, në kërkim për ngjarjen e ndodhur në 2 Maj të vitit të shkuar është edhe shtetasi Jani Aliaj, i cili është personi që kreu krimin referuar hetimeve.
Milloshi ndihmoi Aliajn për kryerjen e vrasjes. Nga pamjet e siguruara nga kamerat e sigurisë, Milloshi çoi me automjet Aliajn te lokali, dhe pas krimit, e mori sërish në automjet dhe u larguan me shpejtësi./a.m.
