Gjykata e Tiranës ka vendosur gjykim të shkurtuar për Seal Sulaj e Vasiel Çavo, autorë të dyshuar për vrasjen e dyfishtë pranë lulishte “1 majit” në kryeqytet.
Të dy këta persona akuzohen për vrasjen e Kevin Rugovës e Aurora Oskian dhe armëmbajtje pa leje. Ndërkohë, objektiv i atentatit ishte Elvis Gaçaj, i cili u plagos edhe më pas u arrestua. Ai tashmë gjykohet për mbajtje e shitje lëndësh drogës.
Elvis Gaçaj nuk është hera e parë që i shpëton një atentati. Në dy vjet ai u ka shpëtuar edhe dy atentateve të tjera, ndërsa sulmet e mëparshme për ta eliminuar ishin kryer me eksploziv. Në të parin u plagos lehtë nga shpërthimi i një sasie tritoli në makinë. Atentati i dytë mbeti në tentativë, pasi lënda plasëse nuk u realizua./a.m.
