Paditjet ndaj shtetit grek do të rishqyrtohen sërish pas një kërkese të monitoruesit grek të Helsinkit adresuar Presidentit të Komisionit Europian.
Monitoruesi i Helsinkit ka kërkuar rihapjen e hetimeve për 12 çështje të fituara në Gjykatën e Strasburgut. Dy nga këto çështje janë për dy shqiptarë të vrarë nga policia greke: Ilir Çelniku dhe Pëllumb Marnikolla.
Pëllumb Marnikollaj e humbi jetën në 3 gusht 2016 rajonin e Policisë së Patisias, në rrugën Aghias Lavras në Athinë ndërsa Ilir Çelniku u vra nga autoritetet helene në nëntor të vitit 2001.
Autoritetet policore greke pretenduan dy javë pas ngjarjes, më 18 gusht, se i ndjeri Pëllumb Marnikollaj u hodh nga kati i dytë i stacionit të policisë! Gjithashtu, autoritetet nuk informuan askënd nga familjarët e viktimës, të cilët lokalizuan trupin e tij në dt.11 gusht, në kohën kur do të varrosej si një person i cilësuar si pakërkuar./a.ç
