Familjarët e Aleks Nikës dhe Ziver Veizit të pyetur nga Report Tv shprehen se sytë i kanë nga reforma në drejtësi. Njësoj si ata që i vranë , ata shpresojnë të dënohen dhe ata që i liruan fajtorët.
“Pse të mos jepnin drejtësi, ç’drejtësi të presim ne kur vëllai im është parë nga të gjithë sytë e botës nga kush është vrarë. Çfarë pret Prokuroria apo Gjykata, çfarë faktesh do më”? u shpreh Trëndafile Muhametaj, motra e Ziver Veizit.
“Ne kemi siguruar prova të atilla që edhe pa vendimin e Gjykatës së Strasburgut, në rrethana, prova të reja të zbuluara rishtazi që e detyrojnë Gjykatën e Lartë që të ndërhyjë dhe të prish vendimin e Gjykatës së Lartë dhe çështja t’i jepet organeve të akuzës për hetim. Ministria e brendshme do t’i kanalizojë me Prokurorinë që të jenë në bazën ligjore për rihetim”, deklaroi Mark Nika, xhxhai i Aleks Nikës.
“Shpërblimi në lekë nuk e zgjidh përfundimisht problemin, fajtorët duhet të dalin përpara drejtësisë”, u shpreh Gëzim Daci, familjar i Hekuran Dacit.
Për rastin e Aleks Nikës, i vetmi i mbetur pa autor, xhaxhai Mark Nika thotë se kanë dalë në pah prova të reja.
Ndërkaq gjykata e Strazburgut ka nisur shqyrtimin e 2 çështjeve të para të 21 Janarit.
Në Gjykatën Evropiane do të shqyrtohet kuadri ligjor i kohës, planet operacionale të menaxhimit të demonstratës, si dhe problematika e procesit penal, i kritikuar si një proces jo i rregullt ligjor./a.m.
