Autori i arrestuar nën dyshimin për vrasjen e 82vjeçarit Novruz Likometaj, disa ditë më parë në Fier ka dalë sot para gjykatës për të marrë masën e sigurisë. Mësohet se gjatë fjalës së tij në seancë, Krasniqi ka mohuar se është ai autori i vrasjes së Likometaj dhe ka deklaruar se nuk e ka pranuar asnjëherë që ka bërë vrasjen.
“Nuk e kam pranuar asnjëherë që e kam bërë vrasjen. Nuk e kam takuar Likometaj për të diskutuar. Nuk e di pse po mbajnë këtu”, ka thënë 37-vjeçari. I moshuari u gjet i masakruar, të dielën më 22 nëntor në një kosh mbeturinash në lagjen “8 Shkurti” në Fier.
