17 vjeçari Fabian Muçollari, është dënuar me 12 vite burg nga gjykata e Korçës, për vrasjen e bashkëmoshatarit të tij Fabio Hila në Pogradec në Shtator të vitit të shkuar, në një lokal të qytetit.
Në seancën e sotme, gjykata vendosi të shpallë fajtor adoleshentin duke e dënuar me 12 vite burg. Vetë autori pranoi përpara gjykatës autorësinë e krimit. Ai përfitoi uljen e dënimit me një të tretën, pasi pranoi gjykimin e shkurtuar.
Nga hetimet e kryera, rezultoi se shkak për krimin e ndodhur në shtator, u bë një grindje në Facebook mes dy të rinjve për shkak të një vajze.
Kaq mjaftoi që sherri mes të rinjve të degradonte deri në përdorimin e armëve, aq sa Muçollari qëlloi Hilën në një pikë bastesh me breshëri kallashnikovi në qendër të qytetit e Pogradecit./a.m.
