Shqiptari 20 vjeç Igli Meta ka rrëfyer vrasjen e shokut të tij po shqiptar Ismail Luli, duke shpjeguar para hetuesve se “situata i doli nga kontrolli” pasi në të vërtetë donte vetëm t’i jepte një “mësim” 17-vjeçarit.
Por, detajet e vrasjes brutale te ndodhur pergjate lumit ne fshatin San Martino tregojnë diçka tjetër: Jo vetëm që viktima u fut në kurth nga shoket qe e ftuan per tu lare ne lume, por Meta muaj më parë i kishte dërguar një mesazh në shqip të dashurës së tij maqedonase Ambera Saliji duke i thënë “Do ta vras”.
Mediat italiane te cilat vijojne prej ditesh te kene ne faqe te pare detaje te reja nga vrasja makabre e 20 korrikut, shkruajne se ka edhe një aspekt simbolik që fut në këtë mes dhe Kanunin. Thika me të cilën Igli Meta ekzekutoi 17-vjeçarin i përket gjyshit të tij, thikë të cilën e mbante gjithnjë me vete. Ne deshmite e tij para hetuesve, i riu shqiptar ka pranuar autoresine e vrasjes te cilen e “argumenton” me xhelozine qe ndjente ndaj raportit qe Ismail Luli kishte me te dashuren e tij.
Mediat italiane thone se ky ekzekutim të kujton edhe vrasjet e shqiptarit në Kosova, Lavdrim Muhaxheri, që njihet me emrin “Kasapi”. Prerja e kokave ne emer te Allahut, – shkruajne mediat italiane, – eshte e njejte me menyren brutale qe Igli Meta vrau bashkekombesin e tij, duke e dhunuar fillimisht te lidhur ne kryqin e nje kishe, e me tej duke i prere fytin me thike, aq sa per pak i kane keputur koken nga trupi.
Këto pikëpyetje ngrihen nga fakti se hipoteza e xhelozisë dhe e “shakasë” përfunduan në tragjedi pa ndonjë arsye pasi Ismaili dhe e dashura e Igli nuk kishin pasur asgjë mes tyre.
Të dielën pasdite Igli Meta dhe Marjo Mema e ftuan Ismailin, shqiptarin i cili jetonte në Itali me nënën dhe motrën e tij, për të bërë një shëtitje përgjatë lumit në zonën e San Martinos, “shetitje” e cila perfundoi tragjikisht me masakrimin e Lulit. Mema akuzohet si bashkepunetore i dyshuar ne vrasje, megjithese hetimet ende nuk kane nxjerre qarte rolin e tij ne kete krim. /Shqiptarja.com/
