37-vjeçari shqiptar i arrestuar të mërkurën gjatë një kontrolli të rastësishëm të policisë në Haidari po zbatonte urdhrat e drejtuesit të mafias shqiptare që kishte vrarë avokatin Michalis Zafeiropoulos dhe u zbulua se ishte autori i dy sulme vrasëse menjëherë pas lirimit të tij!
Policia nisi zbardhjen e “lëmshit” pas arrestimit të 37-vjeçarit, në makinën e të cilit u gjetën dy automatikë kallashnikov dhe dy karikatorë me 90 fishekë. Siç doli, bëhet fjalë për një kriminel të rëndë, i cili u lirua nga burgu majin e kaluar.
Policia konstatoi se ai është vrasësi i një 39-vjeçari rom, të cilin e ndoqi dhe e qëlloi katër herë përpara kalimtarëve të tmerruar në Agia Varvara më 31 korrik, ndërsa kishte tentuar të vriste edhe një 36- vjeçari shqiptar jashtë një kafeneje në rrugën e këmbësorëve Apostolou Pavlou në qendër të Athinës më 15 korrik.
Përshkrimet e dëshmitarëve dhe pamjet nga kamerat e sigurisë të mbledhura nga policia i ndihmuan ata për ta identifikuar atë dhe për të vërtetuar se ky është një emër “i rëndë” i mafies shqiptare, që kishte shqetësuar autoritetet në të kaluarën për drogë, grabitje, vjedhjet dhe zhvatjet .
Në fakt, 37-vjeçari ka pranuar pjesëmarrjen në dy sulmet vrasëse, ndërsa ka zbuluar autorin e tyre. Ky është një nga anëtarët kryesorë të mafies shqiptare, i burgosur, i cili është dënuar ndër të tjera për pjesëmarrje në vrasjen e avokatit Michalis Zafeiropoulos, si dhe për çështje droge.
Ky person urdhëroi ekzekutimin e romëve me qëllim që banda e tij të dominonte në zonën më të gjerë të Agia Varvarës si dhe të bashkëqytetarit të tij shqiptar për të dominuar sheshet e narkomanëve në qendër të Athinës.
Tashmë, pas rrëfimit të autorit oficerët që trajtojnë çështjen përpiqen të “lidhin” çështjen ndaj autorit moral të ekzekutimeve. /abcnews
g.kosovari
