Pas vrasjes së liderit serb të SDP-së në Mitrovicën e Veriut, Oliver Ivanoviç, në rrjetet sociale në Serbi kanë “shpërthyer”, komente prej më të ndryshmëve nga qytetarët serb duke fajësuar Qeverinë Serbe për vrasjen e tij, të cilët nuk kanë hezituar të shkruajnë se vrasësi i Ivanoviç, është një serb.
“Sigurisht që Oliver Ivanoviç e kanë vrarë të njëjtit “terrorista shqiptar”, që i patën kryer vrasjen në kafenenë Panda në Pejë në vitin 1999”, shkruan njëri prej komentuesve serb në Twitter.
“Faleminderit z.Vuçiç dhe kriminelëve të tij në Kosovë. Nënat jua…”, ishte një fyerje nga një komentues drejtuar Presidentit Serb Aleksandër Vuciç, shkruan Indeksonline.
“Ja ke vizatuar nishanin në shpinë, Aleksandër Vuçiç”, shkruan Rampe një komentues serb.
“Në ora 13 vrasësi i Oliver Ivanoviç do të mbajë konferencë për media”, është një koment tjetër drejtuar Presidentit serb Vuçiç, i cili pritet të mbajë një konferencë për media.
“Vrasësi është ai i cili i pari ofron ndihmën për të zbuluar vrasësin”, shkruan ky qytetar serb duke aluduar në reagimin e Presidentit Vuçiç./a.m.
