Një militant i ISIS vrau gjatë natës një komandant të policisë franceze, bashkëshorten e këtij të fundit, ndërsa shpëtoi vetëm fëmija 3 vjeç i çiftit.
Jean Baptiste Salvaing, 42 vjeç, mori 9 gjuatje në bark me thikë në banesën e tij në Magnanville, Yvelines, në veri të Parisit. Ngjarja u shënua në orën 08:30 PM.
Shpërthime u dëgjuan në zonë gjatë natës, ku policia franceze neutralizoi vrasësin dhe shpëtoi fëmijën peng të çiftit.
Brenda shtëpisë ata gjetën trupin e pajetë të gruas të komandantit, e cila gjithashtu ishte oficere policie.
Autori u identifikua si si Larossi Abballa, 25 vjec, dhe pas investigimeve u zbulua se ka qenë pjesë e një rrjeti xhihadist që ka operuar në Siri.
Mediat e huaja raportojnë se rreth orës 20:52, Aballa kishte postuar një video mesazh të gjatë në Facebook Live. Në të ai ftonte për të vrarë policët, rojet dhe reporterët e gazetarët, duke theksuar i bindur se “Euro 2016 do të jetë një varrezë”.
Më pas u raportua se profili i tij u mbyll, por para kësaj në të ishin postuar edhe fotot e viktimave. Bashkë me të edhe një mesazh ku atentati merrej përsipër nga “sheiku Adnani”, numri dy i ISIS.
Sipas burimeve të cituara nga Bfm-Tv, gjatë blitzit të policisë, autori hapi zjarr kundër agjentëve. Pastaj erdhi zbulimi makaber i trupit pa jete te gruas. Shpetoi vetem femija qe sipas autoriteteve është në gjendje shoku. Sipas mediave, në videon qe thuhet se ishte postuar shihej edhe fëmija i çiftit, një fëmijë vetëm 3 vjeç, i ulur pranë terroristit që thotë: “Nuk e di se çfarë do të bëj me të”.
Presidenti francez, Hollande e ka cilësuar vrasjen e dy punonjësve të policisë si një akt terrorist. Në fakt, autori i krimit ishte dënuar në vitin 2013 për krime që lidhen me terrorizmin.
Sulmi nga ISIS është marrë përsipër nëpërmjet Agjencisë së lajme AMAQ, faqe e cila pasqyron aktivitetin e organizatës.
MESAZHI NË FACEBOOK
Rreth orës 20:52 Larossi Abballa bënte thirrje në rrjetin social “Facebook” për vrasjen e sa më shumë policëve dhe gazetarëve. Në fund të postimit të tij ai shkruante “Euro 2016 do jetë një varrezë”. Faqja e tij është bllokuar menjëherë pas publikimit, ndërsa nuk dihet ende nëse 25-vjeçari ka patur lidhje me ISIS, apo ka vepruar në mënyrë të pavarur.
DENIMI NE VITIN 2013
Në vitin 2013 Larossi Abballa dhe 7 persona të tjerë u dënuan me nga 3 vjet burg pasi kishin organizuar nisjen e disa xhihadistëve drejt Pakistanit. Ata u akuzuan për përgatitje të akteve terroriste.
PRESIDENTI HOLLANDE
“Duhet një aksion ndërkombëtar” Kështu deklaroi presidenti francez Hollande, pas vrasjes së dy policëve në Paris. “Lufta kundër terrorizmit nuk i përket vetëm një shteti, por duhet t’i përfshijë të gjithë në një aksion ndërkombëtar”- deklaroi ai.
BW/d.i.
