Një ditë para seancës së Kuvendit ku pritet të votohet raporti i Këshillit të Rregullores dhe Mandateve për heqjen ose jo të mandatit dhe arrestimin e ish ministrit të Brendshëm Saimir Tahiri, ish kryeministri Sali Berisha është pyetur në emisionin ‘Studio e Hapur’ në News24 nëse do ketë rrjedhje votash nga opozita si në rastin e zgjedhjes së Gramoz Rucit në krye të Kuvendit. Berisha tha se nuk mendon e do ketë rrjedhje votash.
”Mazhoranca do ketë unitet për krimin nesër në seancën e Kuvendit. Nuk besoj se do ketë rrjedhje të votave nga opozita për këtë çështje. Sa i përket pyetjes më mirë votim i hapur apo o mbyllur atë e vendos Gramoz Ruci që nuk ka lidhje me rregulloren, pasi ai do ta kthejë parlamentin në repart”- tha Beirisha.
Berisha u pyet edhe për masat që do të marrë opozita nëse mazhoranca voton kundër arrestimit të Saimir Tahirit. Berisha tha se opozita duhet të bëjë konsultim me qytetarët
