Kosovë: Gjykata Speciale avancon mes akuzash
Votimi për Gjykatën Speciale po i nxjerr barkun Kosovës. Akuza dhe kundërakuza vijojnë nga të dy palët. Pak minuta më parë, Deputetja e LDK’së, Melihate Termkolli, ka thënë se deputetët e opozitës do të votonin nga pesë herë në rast se do të bëhej fjalë për ndonjë tender. Ajo i është drejtuar Fatmir Limajt, duke i përmendur akuzat e EULEX’it për korrupsion në tenderët 80 milionësh. “Nëse nuk doni me votun thuajeni që s’po doni, se nuk është marre. Veç krejt e dimë se nëse kish qenë puna me votu për tenderë 80 milionësh, që EULEX’i ka evidentu që ka pas parregullsi, kishit votu ka 5 here se le më ka 2, Z. Fatmir Limaj”, ka thënë ajo . Pas kësaj, ka reaguar Limaj, duke thënë se i vjen keq për deputeten e LDK ‘së dhe se nuk dëshiron të komentoj deklaratat e saj.
Opozita është shprehur kundër “Speciales” ndërkohë që VV e ka cilësuar si ” Dita e shkeljes së Kushtetutës”.
