Presidenti i Serbisë, Aleksandër Vuçiç, i cili sot mori pjesë në përfundimin e stërvitjes ushtarake “WhirlWind 2024”, gjatë konferencës për media iu referua qëndrimit ndaj Greqisë, e cila në Asamblenë Parlamentare të Këshillit të Evropës votoi për të mbështetur rekomandimin për Kosovën për anëtarësimin në KiE.
“Ne do të ndjekim votat dhe do të deklarohemi. A jam i kënaqur me sjelljen e Dora Bakoyanis – nuk kam qenë prej kohësh. Mendoj se kjo që ka bërë është turp”, tha presidenti.
Siç thotë ai, obligimi themelor për të biseduar me Beogradin nuk është përmbushur.
“Duhet të takoheshim fillimisht, kështu që ata hoqën dorë. Më pas duhej të kishim një konferencë përmes lidhjes video, kështu që ata thanë se nuk ishte e mundur për shkak të gjendjes së saj shëndetësore. Më vjen shumë keq, por u harrua brenda natës se parimi bazë ishte formimi i asociacionit”, tha presidenti.
Disa javë më parë, raportuesja e KiE-së, Dora Bakoyani, ka paraqitur një propozim pozitiv për pranimin e Kosovës në Këshillin e Evropës, i cili është pranuar me votim në Asamblenë Parlamentare të KiE. Konkretisht, pro rekomandimit për anëtarësimin e Kosovës votuan deputetët grekë në Dora Bakoyani, Ana Eftimiou, Giorgos Stamatis dhe Evropidis Stylianidisiz nga Demokracia e Re, ndërsa kundër vetëm Nina Kasimati nga Syriza. Mungonin Alexis Tsipras dhe George Papandreu./m.j
