Nga studio e Top Channel, Majko i bëri thirrje KQZ që ta zbatojë ligjin pa vonesë dhe të mos vonohet duke pritur konsensusin nga opozita.

“Aktualisht KQZ nuk ka deklaruar që s’do ketë votim të shtetasve jashtë vendit, jo te emigrantëve, pra shtetas shqiptar me banim jashtë.

Nuk ka sens tani që ligji të bllokohet, s’kemi ça konsensusi presim, çdo të thotë kjo të presim dikë të thotë jam dakord të zbatohet ligji KQZ duhet të zbatoje ligjin pa pritur partitë politikë.

Duhet të zbatohet kodi zgjedhor, kam bindjen që Celibashi dhe të tjerët janë të angazhuar në këtë proces.”, deklaroi Majko.

Pse nuk po e zbaton ligjin KQZ?

“Po vonohet kot, po pret nga partitë e opozitës që të thonë po.”, tha Majko.

Majko i pyetur në Open se mbi kë bie përgjegjësia nëse procesi për votën e diasporës dështon, dha një përgjigje ironike.

Nëse ky proces dështon, e kujt është përgjegjësia?

Majko: E Ndraghetës . Po s’jemi mbledhur për këtë tani, nuk mund ta aludoj tani , sidomos të nje njeri që e njeh ligjin si Celibashi, nëse ai s’do të ktheje përgjigje do vazhdojë të zbatojë ligjin.

Po kjo ishte një premtim i PS…

Majko: Po s’mund të thjm që e kemi ne fajin, ne vërtet e bëmë ligjin me vonesë por mos harroni që opozita doli nga parlamenti , një ngjarje e paprecedentë, ça tu thoshim hajde vëlla aman të votojmë.

Mos harroni që gjërat s’kanë ecur mirë, kemi pas tërmete dhe pandemi . Socialistët s’po rrinin kot në zyrë .