Diaspora u regjistrua. 294. 155 shtetas shqiptarë të cilët jetojnë dhe punojnë jashtë vendit kanë shprehur interesin për tu ushtruar të drejtën e votës në zgjedhjet parlamentare të 11 majit. Shifër kjo qe ka kaluar pritshmërite jo vetëm të komisionit qendror të zgjedhjeve por edhe të partive politike.
Mbi 233 mijë shtetasve iu ështe miratuar kërkesa ndersa mbi 42 mijë të tjereve iu është refuzuar për shkak të gabimeve ne aplikim të cilat në pjesën më ta madhe kanë ardhur për shkak të vendosjes gabim të adresave dhe kartave te identitetit.
Tirana është qarku që mban numrin më të lartë të kërkesave me mbi 74 mijë aplikime. Ç’ka do të thotë se vota e diaspores do te ketë peshën më të madhe ne kryeqytet, i cili në këto zgjedhje do të prodhojë 34 mandate. Në vend të dytë renditet qarku i Fierit me mbi 49 mijë kërkesa e ndjekur nga Elbasani me 39 mijë. Ndërsa qarqet me pak te votuara Kukësi, Gjirokastra dhe Dibra.
Sa i perket hartes se shteteve, kryeson Italia e ndjekur nga Greqia dhe Gjermania. Grupmosha më i interesuar është ajo 36-46 dhe 26-45.
Ndërsa aktualisht po shqyrtohen kërkesat e marra deri mesnaten e 4 marsit ndërsa do duhet qe në daten 9 mars, Komisioni qendror i Zgjedhjeve te publikojë listën paraprake të zgjedhësve me emër, mbiemër, qarkun ku shkon vota dhe shtetin nga do të vije zarfi. Ata emigrantë te cilët do të kenë pasaktësi në regjistër do të kenë dy ditë kohë për ankimim. Kujtojmë se do te mund te votojnë edhe ata shtetas të cilëve iu kanë skaduar dokumentet e identifikimit. Gjithashtu posta me fletën e votimit do të paguhet nga shteti si në vajtje ashtu edhe në ardhje.
