Kryetari i Komisionit Qëndror të Zgjedhjeve, Ilirjan Celibashi në një konferencë për mediat ka zbuluar detaje nga regjistrimi i diasporës, për zgjedhjet parlamentare të 11 Majit.
Sipas asaj që bën të ditur Celibashi, në zgjedhjet e 11 Majit do të jenë 245,975 votues nga jashtë. Ndërsa 48,180 të tjerë janë refuzuar nga 294,155 kërkesa të bëra.
“Sikurse këto të dhëna mund t’i gjeni edhe në faqen e internetit të Komisionit Qëndror të Zgjedhjeve përfundimisht janë 294,155 që kanë shprehur interesin për tu regjistruar si votues nga jashtë, prej tyre vetëm 245,975 janë regjistruar. Ndërkohë nga ana tjetër si 365,166 kërkesa dhe ka refuzuar 119,139”, shprehet Celibashi.
Celibashi ka zbuluar edhe disa të dhëna të tjera mes të cilave Tirana është qarku me % më të lartë të kërkesave të miratuara 21.3% dhe Kukësi me përqindjen më të ulët 1.6%.
Afërsisht koha mesatare e kërkesës dhe shqyrtimi është 28 orë, pra KQZ i ka kthyer përgjigje votuesve nga jashtë për tu regjistruar në PER.
Aplikimi i parë është bërë nga një shtetas nga Gjermania më 11 Janar në orën 00:08. Ndërkohë atyre që iu është refuzuar kërkesa kanë kohë deri në 11 Prill për ankimim në Gjykatën e Rrethit Gjyqësor Tiranë.
“Të gjithë atyre që iu është refuzuar kërkesa mund të ankohen jo më vonë se data 11 Prill. Pra nga momenti që ju është refuzuar kërkesa deri në 11 Prill”, shprehet Celibashi.
Komisioneri Celibashi ka folur edhe për sigurinë e votës.
“Ne sigurojmë që nga momenti që votuesi nga jashtë fut fletën e votimit në zarf e deri në momentin që nis procesi i numërimit integriteti I votës është I sigurtë 100%“, shprehet Celibashi.
