Një vajzë e re adoleshente është ndëshkuar rëndë nga babai i saj, pasi kjo e fundit ka kaluar shumë kohë në kuzhinë duke gatuar.
Ngjarja ka ndodhur në Ravigo të Italisë, ku burri me origjinë shqiptare si ndëshkim për vajzën e tij i ka hedhur mbi trup një enë me ujë të valuar, pasi sipas saj kishte harxhuar shumë kohë për të gatuar.
Mediat italiane raportojnë se po vazhdon procesi gjyqësor në Itali ndaj një shqiptari të akuzuar se keqtrajtonte vajzën e tij për arsye nga më të ndryshmet, ndërkohë që gruaja edhe pse ishte e pranishme gjatë skenave, nuk tregonte.
Një rast flagrant ishte ai kur familja kishte një mysafir në shtëpi dhe një nga vajzat ishte e detyruar të gatuante darkën. Babai e nxiste në çdo moment të nxitonte, pasi darka po vonohej. Në një moment, i merr enën me ujë që po ziente në sobë dhe ia derdh mbi trup në shenje ndëshkimi, duke e sharë se “ishte shumë e ngathët”.
Sipas organit të akuzës, raste të tilla ishin të përsëritura. Vetë vajza ka treguar për jetën që bënin duke thënë se në shumicën e herëve të dhunës babai ishte nën ndikimin e alkoolit.
Provat e paraqitura në proces përveç dëshmive, janë edhe raportet mjekësore dhe shenjat e të djegurave që ka pasur vajza. Në proces është edhe gruaja e tij (nëna e vajzës), e cila duhet të përgjigjet lidhur me hipotezat e hedhura nga të dyja palët, si dhe për keqtrajtimet e tij ndaj saj.
Noa/d.i.
